又一最愛
2007/06/20
迴轉壽司（ugameasia）
玩法：最少 3 件相同的壽司連在一起就可以 “食”。如果出現黑貓的頭，射向黑貓就能夠吃掉所有同款的壽司（或石頭）。
好玩指數：
評語：好好玩。不過這個遊戲好容易令人眼花撩亂，玩到眼睛很乾很累呢！
都說了有好多一粒粒東西的遊戲都會變成我的 “飛佛” o架啦！哈哈～
無聊之作
2007/06/17
腦子裡就只會想著 吃！！！(^O^)
平民化的食物，絕對唔差得過任何昂貴高級大餐o架！哈哈～
PS :: 這些全都是舊照片來的。
莫愁前路無知己，天下誰人不識君
2007/06/05
繼續 Interview … … 今次係 Assistant Editor。
面試之前，我依然緊張。(-_-) 不過學 Daddy 話齋：「既來之，則安之。」經驗也告訴我：「期望愈大，失望愈大。」這是一個恆常的定理。還是用平常心來面對吧！
中大學生報 情色版風波 … … 近期的大熱話題。我沒有刻意在事前 prepare 過有關方面的資料。只是閒來也有與 Daddy 談論過此事，Daddy 認為我應該知多一點，因為這對我日後 interview 應該會有幫助。
結果，真的問了呀！！！
我說了一大堆我認為係好無 point 兼毫無立場的話。說完都不知自己到底說過些甚麼。我太緊張了吧。心裡真的好想他快些轉話題。我不知自己還能硬撐到甚麼時候呀！T^T
後來，那人竟然說我是今天面試的人之中，說得最好的一個 … … o下？！
我有無聽錯呀？！今日有幾多人來過 interview 呀？！
面試記就說到這裡。
怎樣也好，每一次面試，無論自己的表現有多糟也好，都會是一個很好的經驗。
…………………………………………………………………………………………………
老實說，面對茫茫前路，我的心情又怎會不沈重，怎會不擔憂呢？！
請不要以為我只是個愛沈湎於理想的年輕人！我並不是只懂得發夢的！我當然明白，這個商業社會到底有多現實。老板出 $10,000 的薪水聘用你，就要你幫佢賺到 $1,000,000 甚至係更多。打工仔只不過係老板的生財工具 …
但我依然有理想。一個真正懷抱著理想的人，他必定會全力以赴，把握每一個機會，並且能夠經得起現實的考驗，有所歷練。當身處逆境，他仍然堅持，絕不會輕言放棄。
其實，我們不只是老板的生財工具。我們從工作中學習與體驗，這過程已經是一種豐富的獲得。
每當我擔憂著前路的時候，就告訴自己：一定要積極！失敗了也要重新站起來！Trial and Error！要相信自己！總會有出路的！
那個陰晴不定的未來啊！總有一天，會明朗起來 … …
城市．天空．月亮．雲兒
2007/05/31
沒有甚麼特別事情要記載 … … 生活就是平淡。
近來的天空都好藍好美。
今天外出時，見到一 “舊” 好巨型的白雲呀！感覺好震撼！
喜歡藍天白雲，但有時候也要接受灰天與烏雲的存在。天空，並不會永遠都放晴的。
以下兩張相片，是我從宿舍房間向窗外拍的。
清晨的時候，赫然發現窗外的雲靚到不得了。
晚上，又驚覺天上掛著圓月 … …
整座城市，都被這個變化萬千的天空點綴得好美、好美 … … 真是 美不勝收。
我的最愛
2007/05/26
凡係有好多一粒粒東西的遊戲，都會好吸引我，並會成了我的最愛！哈哈～
ZOO KEEPER（ugameasia）
玩法：把動物頭上下左右調來調去，最少 3 個相同就可以 “食”。（即係令動物頭消失。^^”）
好玩指數：
幾時開始玩：2005年尾
評語：初初玩呢個 game 時，真係好著迷。但呢個 game 有一個唔好處 … 就係佢會計時。愈高 level，就計得愈快。玩到某個 level，我就一定會輸，至今都無乜突破。v.v
毛毛球 （個名係我自己作的 ^^” 應該係 Chuzzle。）
玩法：將毛毛球向上下左右拉扯，最少 3 粒同色就可以 “食”。（最多可以食到 6 粒o架！）
好玩指數：
幾時開始玩：2006年尾
評語：毛毛球真係好好玩。到現在我都成日玩o架！最高紀錄係去到 level 14，不過玩了沒多久就輸o左啦。因為由 level 3 開始，就會有 d 鎖出來鎖住 d 毛毛球，而且會愈鎖愈多，一上了鎖就成行都唔郁得o架啦！
不過好在這個 game 沒有計時，玩得輕鬆好多。哈哈～
以下兩個 game 都係差唔多。
玩法：兩者都係大同小異，只要按著連在一起的圖案就可以 “食”。食得愈多愈高分，去到最尾剩返愈少圖案表示成績愈好！
公仔對對配（ugameasia ）
好玩指數：
幾時開始玩：2006年尾
評語：都幾好玩。但我從未試過食到一粒圖案都無，最少都好似剩返 3 粒。其實，玩呢個遊戲係要動o下腦筋o架，絕對唔係亂o黎！而好處又係唔計時，唔駛玩到咁緊張！
PURU PURU（Click to Play）
好玩指數：
幾時開始玩：昨天（新鮮發現！）
評語：好好好好好好玩！d 公仔真係得得地呀！尤其鍾意隻 w 嘴星星！^w^
而且，呢個遊戲比上一個優勝的地方係佢有分 stage，只要夠分數就可以升 level，唔一定要食晒 d 圖案先當你贏，食唔晒就當你輸。而且，此遊戲還提供 3 款錦囊作應急之用（見圖左下角），真係 Good ah～ ^o^
（*** 我剛剛破了紀錄，一粒都唔剩呀！勁呀！）
不知道你們有沒有 ugameasia 的 account 呢？無就快 d 開返個啦。Bookmark 晒所有最愛的遊戲，慢慢玩個夠！爽耶～ ^O^
面試記
2007/05/23
1. 著起上o黎一 d 都唔 Smart 的 Smart Casual（這是人的問題吧。）-________-
2. 奪命 High Heels（我的腳趾起晒水 pok1 呀！）T________T
3. 醜死鬼的 Academic Transcript v________v
4. 好神氣的 Daddy（見工又關 Daddy 事？！）^_______________________^
今日去中環見工。 … … DM（Direct Mailing）的 Copywriter。
晨咁早起身，用了差不多一小時的時間裝身。（簡直係荒謬！我最討厭打扮o架啦！煩！）
著 High Heels 真係好辛苦。落到九龍塘地鐵站，對腳已經開始痛啦。>~<”
說回今日的 interview… 老實講，我真係好缺乏呢方面的經驗，所以，今次也沒有期望過高，就當係練習囉。
In 之前 有個 Written test，公司的職員先給我一些 product 的相片，要求我分別用中、英文去寫篇 Advertising copy，限時個半鍾。
之後就開始面試啦。那個 Creative manager 問了我很多關於廣告的問題。我好記得她問了我一個問題：「1 – 10 分，你的創意會去到幾多分？」我覺得自己真係畀佢 fake o左囉。ToT 我答了一大堆東西，然後說，如果真係要評分的話，我諗都有 7 – 8分o既！呢個答案，大錯特錯！創意，唔係應該係無限o架咩？！=.= 算罷啦～ 好好的經驗！下次記得醒水啦～
其實，我真係有點人頭豬腦的。慒盛盛一舊飯咁。難怪 Daddy 成日話我成粒 maru 咁啦。嘻嘻～ Daddy 醒過我好多o架。但有一樣o野，Daddy 同我一樣 ，就係唔鍾意著得太過 formal，Daddy 好憎著西裝。哈哈哈哈哈～ （不過我鍾意您著喎！^.^）
再接再厲，努力搵工！希望可以嘗試做到 Above the line，因為好似多元化 d！但無乜所謂啦。最緊要有機會畀我試呀嘛！慢慢來吧！
/ 張開手 起飛 讓年輕無極限 挑戰一切 飛越更多空間 才能體驗 /
/ 不害怕 改變 不一定往前追 停住時間 享受這一分鐘 我深深的體會 /
創意無限，年輕都無極限！加油吧～
PS :: 謝謝婷婷、鯨魚、大叮、Daddy 的支持和鼓勵！還有 Cathy 的恤衫呀！:D
懶骨頭。
2007/05/14
活像一隻大懶貓。＞﹏＜”
睡得太多，周身都係懶骨頭。
………………………………………………………………………………………..
早前，在 bossini 買了一件綠色童裝 tee 。（我時常都會在 bossini 那裡買童裝o架！XD”）
一隻名叫 TIGER-RABBIT 的物體。半老虎半兔仔的模樣固然可愛吸引（這就是我買呢件 tee 的原因），但更有趣的是它的眼睛呀。原來，那顆黑眼珠是魔術貼來的，回來後才發現隨 tee 附送了 3 隻魔術貼眼睛。因此，小朋友就可以按個人心情或喜好來換上不同的眼珠子啦。呵呵～
這個 design 都幾有創意喎。我鍾意。呀哈哈～ 
我們的需求愈少，負擔愈輕。
2007/05/11
今日好得閒。
睡到下午才被一聲 BiJaLa BiJaLa BaBaBaLaBa … … 的小丸子主題曲鈴聲喚醒。
與 Daddy 去 Lok Fu 食飯。
最愛飯糰寶寶。哈哈～ 自從見到小丸子（森迫永依）去旅行時一面哭一面吃飯糰那幕之後，就經常想食飯糰。樂富吉豬島那裡的飯糰都 OK o架。我之前成日都去食o架～ ^.^
吃飽以後，Daddy 就回校工作去。佢今晚要監考呀！哈哈～
我就一個人去樂富公共圖書館還書（幾個月前借落的《文心雕龍》參考書，已經續借過 5 次咁多啦！睇見都驚，都係快快還晒佢啦。）兼睇雜誌。
我真係好怕睇雜誌。次次睇完都會有想買o野的衝動。（不過好彩我無錢唧～ -_-” ）
首先於 Cosmopolitan 見到一樣令我熱血沸騰心跳加速o既o野 … …
GARÇONS 與 DISNEY 的 OSWARD 兔仔 （the Lucky Rabbit） crossover 之作。
件圓領白恤衫爆靚呀！>.<”
90 萬個鍾意！！！個人覺得 OSWARD 比 MICKEY MOUSE 要可愛得多囉。
唉～ 搵到工後我第一樣要買o既o野 … … 好大機會會係佢！
之後睇攝影雜誌仲唔掂 … …
一直都好想擁有一部徠卡相機 … …
點解？我鍾意親 d o野都咁貴o架？！><”
呢部 LEICA M8 又唔係 DC 又唔係 DSLR ，雜誌話佢係叫 DRC（Digital Rangefinder Camera）。除了 silver 之外，仲有黑色。
或者平 d ，DC 啦。（都唔係平喎。v__v）
” CREATIVE FREEDOM FOR UNFORGETTABLE PICTURES “
好正。我真係好心動。
算罷啦。短期內都唔會買o架啦。係都買o左 lens 和 filter（cokin o個隻） 先啦。
都係唔好諗咁多住。學張曼娟話齋：「我們的需求愈少，負擔愈輕。」
其實，我從來都不是一個太物質的人。要是真的喜歡，就儲錢買吧。哈哈哈～
都係做返 d 無咁敗家o既活動罷啦！
由樂富坐 2F 經過歌和老街都唔落，坐到去深水 “寶” 。
亂行亂逛。由深水 “寶” 步行去石硤尾再經南山邨返 hall。
就這樣，自由自在地，無拘無束地，把欲望都（暫時）拋諸腦後 … … XD
意志消沈
2007/05/03
很好笑麼？！笑完即刻覺得好X灰 … …
Hae ，，，呢種感覺，其實真係令人好難受。
有苦自己知啦。
唔開心。不爽。我有壓力。T^T
一杯 JD Coke on Rock ，，，唔該！
不過唔係好敢飲！飲完又點？！！飲完咪又係咁 ！
一樣係 未解決 … …
不要再夜長夢多 … …
明天起，要重新站起來！！！
為了她，我一定會振作！！！
悠閒午後
2007/04/27
最後的一個上課天。我的學生生涯快要告終啦。:(
回想起學期初，我每天都焦慮不安。（這是我修得最多學分的一個學期，又是 Final year 的最後一個 sem。）老是擔心自己應付不了這麼繁重的學業，幾乎每天都躲在房間哭。
這個學期，對我來說，絕對是個大挑戰！
壓力，使我不敢鬆懈！學期初，我就向自己承諾過：”今個學期，絕不可以再走堂！！！”
可能，你會覺得很可笑！作為學生，上課本身就是一種責任。這樣的承諾未免要求太低了吧。可是，對我來說卻不然。讀了四年大學，從來就沒有一個 semester 我是無走過堂的。所以，假如我能夠上足所有堂的話，我會覺得自己很了不起耶～（＋＿＋）”
從前的我，完全欠缺自律（是因為太愛自由？！）。我並不欣賞過去的自己，那時候的我，不知浪費了多少寶貴的光陰！
因此，我一定要學會堅持！
學期終結了。即使，我不是每一節課都100 巴仙的專心，甚至，偶爾也會釣o下魚或者遲到咁。-______- ” 不過，我總算兌現了對自己的承諾！而且，我學會了很多知識與技巧，人也成長了。
時光飛逝。當初認為會很難捱的日子，已經過去了。
感謝那些幫助過我的人。也感謝那些傷害過我的人。也特別鳴謝我自己。
告別學生生涯。真正的挑戰，現在才開始呢。
對於前景，我真的感到很困惑。不知道將來的我會怎樣呢？！我將會遇到甚麼樣的難題？！
下課後，我獨個兒去了教堂 … …
上帝， 您有話想對我說嗎？我的憂慮，大概 您都知道。
（Randomly）打開聖經，第一段看到的就是 John 6:35 （約翰福音 6 章 35 節）：
Then Jesus declared, ” I am the bread of life. He who comes to me will never go hungry, and he who believes in me never be thirsty. “
我明白的。過去，幾多難關，我都闖了過來。還記得這一句話嗎？:)
“My unknown future is safe in the hands of my all-knowing God.”
離開教堂後，我就去了九龍公園。很久沒有來過這裡啦。
今日天氣真係好好呀！好開心耶～
原來，九龍公園好靚有好多o野睇o架！好好好開心呀。^o^
在藍天白雲之下，聽住 iPod，提著相機，感覺優閒自在！好 enjoy 按 shutter 的一刻，閉上眼睛，特別有快感。哈哈～
不知道，出身後，我是否還可以有這樣的閒情逸緻，獨自出走四處逛呢？！！還是 … 會忙到心力交瘁，完全無晒私人時間？！
